Lembra

que caer é posible porque estás ergueita,

que se sabes o que é afundirte nun burato

é porque algunha vez rozaches o ceo,

que se choras e cada bágoa doe

é porque valoras os sorrisos.

Lembra que as cousas nunca van ir ben de todo,

que sempre haberá algo que falle.

Lembra que tes dereito a todo,

incluso a aquelas cousas polas que xa non loitas:

por falta de ganas,

de osadía,

de crer en ti mesma,

de forza.

Lembra que mesmo o feito de lembrar

é unha loita contra o esquecemento.